orgaccmm

MORRAZO:

• Saída: 10:00h do polígono industrial de Bueu, recollida en Cangas ás 10:15h e logo en Moaña e Domaio.
• Reserva de prazas:  📞 676479447 Pena e 📞616784273 Moncho.

MOS – VIGO:

• Saída: 10h do centro social As Pedriñas (Tameiga), recollida en Vigo 10:15 na praza dos Cabalos.
• Reserva de prazas: 📞 986 288057 ou  📞 616523807

BAIXO MIÑO

• Saída: 9:30h. dende o Centro Cultural da A Guarda, con puntos de recollida en Pías (O Rosal), Goián (Tomiño) e Currás (Tomiño) Areas (Tui).
• Regreso de Compostela: 17:00h.
• Reserva de prazas: 📞664314290.

VAL MIÑOR

• Saida: 9:30 h do Centro Veciñal de Borreiros -Gondomar
• Reserva de prazas: 📞636054910)
• Saida: 930h do mercado de Sabaris
• Reserva de prazas: 📞649137135).

15 OUTUBRO COMPOSTELA

POR UNHA LEI DE MONTES VECIÑAIS AO SERVIZO DA
VECIÑANZA COMUNEIRA E DA SOCIEDADE GALEGA

O proxecto de lei de montes veciñais contida na Iniciativa Lexislativa Popular, ademais de parar o roubo dos montes veciñais, é unha lei ao servizo da veciñanza comuneira e da sociedade galega. De feito que contempla como eixos fundamentais ;
✔️O recoñocemento do monte veciñal como unha titularidade mais, distinta e en pé de igualdade coas titularidades públicas e privadas.
✔️O reforzamento do carácter xermánico dos montes veciñais en man común.
✔️Considerar á veciñanza como único requisito para ser titular destas terras comunitaria.
✔️Impedir todo tipo de expropiación dos montes veciñais.
✔️Considerar como aproveitamentos e usos dos montes veciñais todos os que se den nos mesmos.
✔️Capacidade de decisión da veciñanza comuneira para pór en valor as súas terras comunitarias.
✔️Declaración como nulos de pleno dereito de todos os actos de ocupación e usurpación ,así como das súas posteriores transmisión ,que se fixeran de xeito ilegal .
✔️Declaración dos montes veciñais en común como figuras de protección ambiental e cultural en si mesmos .

 

 

 

 

 

 

 

 

 

• A Organización galega de Comunidades de Montes presentou no rexistro as sinaturas para tramitar a ILP en defensa dos montes comunais. Case 12.000 sinaturas, dos mil máis das necesarias, respaldaron a iniciativa de lei popular para acadar unha lei que preserve o monte comunal en mans da veciñanza comuneira.

A Iniciativa lexislativa popular para protexer os montes veciñais da Organización galega de Comunidades de Montes acadou o respaldo da cidadanía e 12.000 firmas foron entregadas na xunta electoral central de Compostela. Unha vez que a xunta electoral valide as sinaturas comezara o seu trámite no parlamento Galego. 

A iniciativa lexislativa avalada ten por obxetivo preservar o carácter comunal e intransferible dos montes veciñais e que se recoñeza a propiedade comunal como unha titularidade distinta, pero en pé de igualdade coas titularidades públicas e privadas. 

Outra reivindicación que recolle a iniciativa lexislativa é a declaración dos montes veciñais como unha figura de protección medio ambiental e cultural en si mesma. 

As comunidades de montes galegas, aseguran desde a ORGACCMM, son as primeiras valedoras dun monte funcional e unha silvicultura sustentabel. Subliñan a importancia das comunidades de montes como dinamizadoras do rural pola súa xestión democrática dos   recursos. A custodia do territorio é intrínseca a autoorganización asamblearia da veciñanza comuneira.

Na posterior reunión co Partido Socialista insistiuse na necesidade de manter o carácter comunal da xestión dos montes vecñais. Neste sentido a ORGACCMM propón que se algún monte veciñal carece de poboación suficiente para xestionalo se traspase temporalmente a súa xestión á unha comunidade de montes aledaña e non se entregue sen máis a unha empresa madereira por 50 anos como pretende o Partido Popular nas súas modificacións leislativas.

“Levamos anos denunciando que a Consellería de Medio Rural pretende, mediante os cambios lexislativos promovidos polo Partido Popular, que empresas de diverso índole (forestais, madeireiras, eólicas, mineiras…) poidan facerse coa xestión de montes veciñais e comunais“, explica Xosé Pereira, presidente da Organización galega de Comunidades de Montes. 

A ILP presentada pola ORGACCMM tenta frear este latrocinio dos montes veciñais. Neste senso, un dos puntos principais da ILP é reforzar o carácter xermánico da titularidade veciñal, considerando a veciñanza como único requisito para ter a condición de veciño/a comuneiro/a.

A Organización Galega de Comunidades de Montes solicita o apoio das forzas políticas que conforman o Parlamento galego para que saia adiante esta lei e lograr así un monte comunal multifuncional e sustentabel ao servizo da veciñanza comuneira e da sociedade galega no seu conxunto.

 

• A plataforma Por un Monte Galego con Futuro denunciou ante a Fiscalía e a Valedora do Pobo o desleixo do goberno da Xunta de Galicia ante a vaga de lumes que nas últimas semanas teñen producido graves efectos nos montes e ecosistemas de máis valor de Galicia.

 

Diversas organizacións, ecoloxistas e sindicais, que conforman a plataforma Por un Monte Galego con Futuro presentaron denuncia ante a fiscalía pola inacción da Consellería de Medio Rural ante a vaga de lumes que arrasou nas últimas semanas ecosistemas de gran valor como o Parque Natural do Invernadeiro e Macizo Central ourensán, Serra do Courel, bisbarra de Valdeorras, Val de Monterrei, Montes da Cañiza, Montes da bisbarra do Ribeiro e Arenteiro… 

Tamén solicitaron á Valedora do Pobo que actúe de oficio e investigue en profundidade a actuación do goberno galego na prevención e extinción dos incendios forestais para o esclarecemento das responsabilidades penais.

Sinalan que o dano producido polos incendios forestais, coa calcinación de miles de hectáreas de montes e destrución de ecosistemas, agravouse debido a que a maioría dos traballos de prevención de incendios previstos para o ano 2022 están sen facer a día de hoxe. Apenas se executou parte do Plan de prevención de incendios forestais presentado o 5 de maio de 2022 polo entón Presidente da Xunta de Galicia don Alberto Núñez Feijoo, cun orzamento de masi de 180 millóns de euros, que entre outras partidas, tiña previsto un investimento de 33 millóns de euros para prevención e intervir en 58.000 hectáreas de montes, 58.000 quilómetros de pistas… 

Ademais sosteñen que o alcance e repercusión dos incendios forestais tería sido moito menor de activarse todo o operativo de “Tempada de Máximo Risco de Incendios” tal e como establece o PLADIGA 2022. Tendo en consideración a situación de alarma por risco extremo de incendio forestal, debíase ademais adoptar as medidas complementarias establecidas nos protocolos de Protección Civil tanto da comunidade autónoma como do Estado español.

“Os indicadores diarios de incendios forestais permitían vaticinar que, en caso de focos iniciais de incendio forestal, estes podían converterse con facilidade en Grandes Incendios Forestais como así lamentablemente pasou a partires do 14 de xullo” – subliña  Xosé Santos voceiro da Plataforma Por un Monte Galego con Futuro – “Logo, producidos os primeiros focos iniciais, non se actuou en tempo e forma cos medios suficientes co fin de intentar controlar a súa expansión e minimizar os efectos dos lumes tanto nos ecosistemas como os danos económicos e sociais que se podían producir”.

Desde a plataforma Por un Monte Galego con Futuro tamén destacan a dramatica situación que se viviron en aldeas e poboacións con varias casas calcinadas por uns incendios forestais incontrolados pola falla de medios especialmente entre o 14 e o 27 de xullo. Recalcan que o operativo para extinguir os incendios estivo desbordado desde o principio pola falla de medios técnicos, materiais e humanos. Así, as brigadas que entraban día si e día tamén con só 1, 2 ou 3 compoñentes cando a brigada forestal tipo dos servizos forestais de Galicia é de 5 compoñentes, as poucas autobombas dispoñibles estiveron sen cubrir as 24 horas do día por falla de condutores, houbo vehículos autobombas gardadas nos garaxes, brigadas de reforzo de verán das bases de helicópteros sen contratar, brigadas de concellos sen activar, vacantes e baixas do operativo de prevención e extinción de incendios forestais sen cubrir. 

Consideran que o grado de mobilización do operativo de prevención e extinción de incendios foi equiparable ao que se activa durante unha precampaña nos meses de marzo, abril, maio, xuño. Mentres montes enteiros ardendo, os espazos naturais de máis valor de Galicia calcinándose e aldeas afectadas con casas queimadas.

Ademais alertan que no mes de xullo en Galicia queimáronse preto de 40.000 hectáreas con millóns de animais atrapados e mortos polo avance das lapas sen que haxa un protocolo de actuación para minimizar os efectos dos incendios sobre a fauna ou para recoller os animais feridos e tratar de curalos nos centros de recuperación de fauna salvaxe xestionados pola Consellería de Medio Ambiente.

A plataforma agarda que a Fiscalía abra unha investigación ante o enorme prexuizo causado polo desleixo da Xunta. Xa que ademais do grave dano causado nos montes e ecosistemas de máis valor de Galicia, arrasando coa flora e fauna e afectando aos acuíferos e ecosistemas fluviais, tamén houbo unha perda de vivendas, instalacións e danos nas infraestruturas, fortes perdas económicas e sociais que poñen en risco a sustentabilidade e o futuro das bisbarras afectadas.

• A Organización Galega de Comunidades de Montes denuncia que este ano a Consellería de Medio Rural suprimiu a liña de axudas para prevención dos lumes forestais que viñanse sacando continuamente dende fai moitos anos.
• A ORGACCMM xa alertara desta situación a primeiros de maio, conxuntamente con un grupo de bombeiros/as forestais, e  da precariedade das brigadas de bombeiros forestais que séguense a contratar por só un período de seis meses, totalmente insuficiente. 

Segundo a Organización Galega de Comunidades de Montes (ORGACCMM) o combate máis eficaz contra os lumes forestais consiste en  eliminar as causas estruturais que o provocan. Entre estas causas estruturais, a ORGACCMM destaca o modelo de monte forestalista que impide que os propietarios dos montes sexan protagonistas da posta en valor da súas terras,

A ORGACCMM sinala que a Consellería do Medio Rural camiña no senso contrario e no canto de tentar de eliminar as causas estruturais dos lumes de territorio, adopta medidas que profundizan máis nelas. Subliñan que boa proba disto é a eliminación das axudas para acadar un monte multifuncional ou a súa pretensión de modificar a lei de montes veciñais para proceder a súa privatización.

As causas estruturais que provocan os lumes do territorio deben que ser remediadas a medio prazo e mentres é preciso dispor todo ano das brigadas de prevención e extición de lumes para poder levar adiante unha política de prevención consistente en traballos de silvicultura, rotura da continuidade das masas boscosas, limpeza de cortalumes, puntos de auga, etc…

Poren, a Consellería do Medio Rural non adopta medidas decididas na política de prevención de lumes e segue a contratar as brigadas de bombeiros forestais por só un período de seis meses e eliminou a liña de axudas para prevención dos lumes forestais que viñanse sacando continuamente dende fai moitos anos.

“Os devastadores lumes que está padecendo Galiza nestes intres: Courel, Valdeorras ou Serra do Invernadoiro son consecuencia da nefasta política de montes de Medio Rural. Ademais son incendios que van máis aló do forestal, son lumes do territorio qe están afectando ás vivendas e o modo de vida do rural” declara Xose Pereira, presidente da Organización Galega de Comunidades de Montes (ORGACCMM).

• A Organización Galega de Comunidades de Montes (ORGACCMM) sinala a empresa Naturgy como responsable na problemática xurdida na xestión da biomasa forestal no tendido de liñas de alta e media tensión que atravesa o monte veciñal de comunidade de montes de Teis.

A ORGACCMM rexeita a actuación da Consellería de Medio Rural, quen ameazou a comunidade de montes de Teis con abrirlle un expedente sancionador ante unha denuncia da empresa Naturgy  que non se axusta a realidade, xa que non e certo que a comunidade de montes de Teis lle impedira o paso para que operarios de dita empresa xestionar a biomasa forestal baixo as liñas de alta tensión.

Sinalan que pola contra, nada di Medio Rural de abrir expedente sancionador  a Naturgy,  empresa responsable da xestión da biomasa forestal, por incumplir a vixente lei de prevencíon e defensa contra os lumes forestais.

“Naturgy  non comunicou a comunidade de montes de Teis a entrada no seu  monte para realizar os traballos. Non retirou nin triturou os restos da biomasa forestal deixando unha grande cantidade de combustibel no monte. Actúan como se o monte fora deles coa complacencia da Consellería de Medio Rural quen volve a amosar o desprezo hacia a veciñanza comuneira.” subliñan desde a Organización Galega de Comunidades de Montes.

Ademais a empresa responsabel da xestión da biomasa forestal eliminou unha vexetación de frondosas de idade madura que estaba prantexada como un corredor vexetal contra os lumes forestais. Unha plantación de frondosas que foi subvencionada pola propia Consellería do Medio Rural. Plantación de frondosas autóctonas que tamén tiña como obxetivo erradicar a acacia, especie invasora que está colonizando o monte galego.

A Organización Galega de Comunidades de montes (ORGACCMM) manifesta o seu apoio a comunidade de  montes de Teis e reclama á empresa Naturgy que respecte o monte veciñale no fagan unha interpretación retorcida e interesada da lei de prevención e defensa contra os lumes forestais.

“Na loita contra os lumes forestais, o interese xeral  deben estar por riba dos intereses e negocios particulares” recalcan desde a organización comuneira.

 

• Costas está procedendo a facer os deslindes das demarcacións marítimo terrestres aplicando  criterios uniformes e con total descoñocemento da realidade galega. Está incluíndo nestas demarcacións a moitos montes veciñais en man común. Está facendoo mesmo de xeito ilegal xa que a propia lei de costas di que as demarcacións marítimo terrestres son as superficies comprendidas entre a liña do mar e a liña marcada pola marea mais grande (a pleamar).

O que está facendo costas con estes deslindamentos é unha nova confiscación dos montes veciñais, xa que sitúandoos dentro destas demarcacións perden a titularidade veciñal para convetirse en titularidade do Estado .

A ORGACCMM entende que as comunidades de montes temos que parar este novo roubo dos montes veciñais . Para iso, o primeiro que debemos facer e enterarnos se o noso monte veciñal  está dentro da demarcación marítimo terrestre.

Para comprobalo podedes entrar nas seguinte páxinas sig.mapama.gob.es/dpmt/ , entrando no visor dominio público marítimo terrestre ou na páxina mapas.xunta.gal/visores/pba/

Logo da comprobación poñedevos en contacto coa ORGACCMM para que con datos reales poidamos iniciar evitar esta nova confiscación dos montes veciñais.

• A Organización Galega de comunidades de montes fai un chamamento á participación na manifestación deste domingo 5 de xuño  que convoca a Cordenadora Eólicos Así Non ás 12 da mañán  en Compostela.
• Demandan capacidade de decisión para as comunidades de montes para aceptar o rexeitar os proxectos eólicos plantexados nos seus montes veciñais.

O expolio que as eléctricas están perpretando no terrritorio galego, amparadas pola falta de planificación e ordenación do sector eólico, afecta gravemente ás comunidades de montes. O monte veciñal vese exposto ao extractivismo e mercantilización.

O Plano sectorial  eólico actual  implica de facto unha expropiación directa e recualificación dos montes veciñais en man común. A lei de fomento de implantación de iniciativas empresariais e a lei de simplificación administrativa consideran de utilidade pública o negocio privado das empresas enerxéticas en contra dos montes veciñais en man común.

O monte veciñal, polas súas carácteristicas de titularidade xermánica, ten compoñentes de ben común, ben social  e utilidade pública.  Para a ORGACCMM é imprescindible a derogación de estas dúas leis como primeiro paso para preservar o monte comunal.

A Organización Galega de Comunidades de Montes subliña que a enerxía eólica ten que ser considerada como un recurso do país polo que no seu ordenamento deben primar os intereses do pobo galego e nos os beneficios do oligopólio eléctrico. A instalación de parques eólicos debe favorecer á veciñanza da contorna socializando os beneficios. Ademais no ámbito galego, o camiño da soberania enerxética debe ir aparellado dun abaratamento do prezo da enerxia para os fogares.

“Reclamamos á administración galega que aposte decididamente polo autoconsumo apoiando ás comunidades enerxéticas locais fronte os sistemas de produción de distribución oligopolista” sinala Xosé Pereira, presidente da Organización Galega de Comunidades de Montes.

Desde a Organización Galega de Comunidades de Montes insisten en que o desenvolvemento da enerxía eólica en Galiza ten que ir acompañado da eliminación paulatina da enerxía xerada por combustibles fósiles. Recalcan que é necesario un ordenamento do territorio con zonas de exclusión e límites á acumulación de parques eólicos nunha mesma zona. Demandan capacidade de decisión para as comunidades de montes para aceptar o rexeitar os proxectos eólicos plantexados nos seus montes veciñais.

“Como ben indica o lema da manifestación convocada pola Cordenadora  Eólicos Así  Non,  hai outra alternativa ao modelo actual de despliegue das renovables. Só é necesario ter vontade política para desenvolver unha transición enerxética xusta, ecoloxicamente sustentabel e para o pobo” resantan desde a ORGACCMM.

• Os pasados día  21 e 22 de maio, na casa de Cultura ”Daniel Castelao “ do concello de Moaña, tivo lugar o VII Congreso Galego de comunidades de montes, no que participaron máis de 100 comunidades de montes de todo o país.

A principal conclusión do VII Congreso Galego de comunidades de montes foi o rexeitamento unánime á pretensión da Consellería do Medio Rural  de privatizar os montes veciñais en man común  eliminando  o carácter xermánico da titularidade  veciñal para convertilos en titularidades privadas e dando entrada como veciños/as comuneiros/as, a empresas que queran explotar o monte veciñal.

A veciñanza comuneira aprobou unha resolución contra este intento de privatización dos montes veciñais, rexeitando así esta estratexia do capitalismo mundial de apropiarse da terra comunal para expoliar todos os recursos que nela se dan.

“Ante esta situación, para parar o roubo do monte veciñal que pretende a consellería do medio rural, faise fundamental a recollida de sinaturas para que se tramita no Parlamento Galego a nosa ILP. Necesitamos unha lei de montes ao servizo da veciñanza comuneira e da sociedade galega no seu conxunto” apunta Xose Pereira, reelexido presidente da ORGACCMM.

No decurso do VII Congreso tamén se rindeu unha homaxe a aquelas persoas que formaron parte das diversas xuntas reitoras da Organización Galega de Comunidades de Montes. A homaxe consistiu na proxeción dun audiovisual con imaxes que dende a celebración do 1º Congreso e a constitución da Orgaccmm, ata a celebración do día da loita da veciñanza comuneira e a recente elaboración dunha unidade didactica sobre o monte veciñal. Lembrando, entre mentres, as manifestación contra o imposto sobre sociedades, as mobilizacións contra as falsas e inxustas débedas dos convenios e dos consorcios. Ademais entregouselle un diploma ás persoas homenaxadas recoñocendo o seu traballo o seu eforzo. Destacando que sen elas a Orgaccmm non sería tan ampla e forte.

Os representaes da veciñanza comuneira galega amosaron o recoñocemento á Comunidade de Montes de Tameiga pola preservación do seu monte veciñal. Unha defensa do ben común ante os intereses especulativos do presidente de Real Clube Celta de Vigo e a alcaldesa do concello de Mos, que pretenden roubarlle a veciñanza de Tameiga o seu monte omunal.

O VII Congreso Galego de comunidades de montes rematou coa elección da séptima xunta reitora da Orgaccmm. Dentro dunha senda continuista, levouse adiante unha profunda e positiva renovación, tanto dos membros da xunta como da súa estructura territorial.

A Organización Galega de Comunidades de Montes xunto con representantes dos bombeiros/as forestais denuncian o desleixo da Consellería de Medio Rural coa aplicación e desenvolvemento das medidas preventivas contra o lume.

Subliñan que o desleixo é evidente ante a carencia de axudas específicas para prevención e defensa contra os lumes forestais. Ao contrario que en anos precedentes, a Consellería do Medio Rural non proporcionou unha liña especifica de prevención e defensa contra os lumes forestais, na que ademais de reducir a biomasa forestal, se sufragaba unha medida imprescindible como a instalación puntos de abastecemento de auga.

As organizacións denuncian que a única liña de axudas que sacou esta consellería neste ano foi para accións silvicolas como rozas, clareados ou plantacións. Apuntan que “isto pódese comprobar doadamente, só hai que revisar o Diario Oficial de Galicia”.

Ao desleixo na aplicación de medidas preventivas únese a precariedade laboral dos bomebeiros forestais, quen levan tempo reclamando traballo continuo todo o ano e melloras nas súas precarias condicións laborais para acadar unha loita mais eficaz contra os lumes forestais.

Alertan que esta irresponsable relaxación da Consellería pode traer consecuencias catastróficas para os montes galegos e instan ao goberno galego a adoptar medidas inmediatas e corrixir a perigosa deriva.

Ademais o presidente da ORGACCMM reprochou ao conselleiro de Medio Rural  que este anunciara que a proposta de lei de montes veciñais era pública e accesible: “No portal  de transparencia da Xunta somentes hai unha declaración de intencións por parte do goberno galego. Non aparece ningunha lei co seu texto articulado”.